Grafgift / Inspecteur Rossing / 3

Grafgift is de daarde thriller met heufdinspecteur Freek Rossing in de heufdrol. In ien van de dreugste en hietste zomers van de leste jaoren giet een gezin uut Spijkenisse op fietsvekaansie in Drenthe. Onder de dikke vlinten van hunebed D26 vindt ze op een vrogge mörgen het lichaam van een jonge vrouw. Zij is omringd deur diggelgoed; potties en bekers zoas het Trechterbekervolk die metgaf an heur doden. Der bent bijkaans gien sporen en Freek Rossing stiet veur ien van de grootste uutdagings uut zien loopbaan. En twei dagen later zal e met zien femilie op vekaansie. Grafgift is een verhaal dat niet allent giet over het speurwark naor de daoder, maor ok over breuken carrières, vernedering, bezetenheid en schaamte. De pers over de veurige thrillers van Anne Doornbos: •De juryrapporten van de Streektaolpries van het Dagblad van het Noorden: - Dat het mogelijk is een uitstekende detective te schrijven in de streektaal bewijst De paddenvanger. - De Drentse Wallander is bezig met een mooi oeuvre rond dezelfde persoon. Echt Drents, en niet alleen waar het verhaal zich afspeelt, alles lijkt te kloppen. Vakwerk. (Over: De man die Russisch preut.) •Drents letterkundig tiedschrift Roet: Kurt Wallander tussen de hunebedden. Dialoog schrijven is een kunst die Anne Doornbos tot in de perfectie beheerst. Anne Doornbos (Erica, 1948) schref proza, poëzie, teniel- en liedteksten, veulal in het Drèents. Van hum verschenen de dichtbundels Een eerder laand en In nachten dat ik naost joe lig. Daornaost schreef e de verhalenbundels Dèenken an een zebra en Vremd volk. In 2018 verscheen zien eerste Drèentstaolige thriller, De paddenvanger, waormet e de Streektaolpries wun. In 2021 volgde een tweide thriller: De man die Russisch preut. Wieder is hij betrökken bij een koppel literaire projecten in de streektaol. Bijkaans al zien boeken haalden de körtliest van de Streektaolpries van het Dagblad van het Noorden.